Liste, pronunciado Lister

  • Margarita Ledo Andión
  • 2007
  • Documental
  • 112'
  • Español

O neno Xesús Liste –de pai canteiro e de nai campesiña- emigra a Cuba no 1918 e a súa historia personal correrá parella coa do século: en 1927 entra no Partido Comunista Cubano e en 1928 regresa a Galiza onde organiza o Sindicato de Oficios Varios da súa comarca, Teo. O cárcere e unha dura condea pendente aconsellan que saia cara Moscú. Ao seu regreso, en 1935, é responsábel do traballo antimilitarista nos cuarteis de Madrid e, de súpeto, a guerra: civil, mundial, fría... máis un R incoporado para sempre ao seu nome, unha historia de amor que se inicia cun baile amenizado pola Orquestra da 11 División en Caspe, novembre de 1937 e aquela homenaxe en La Habana, 1961, que é cando Ché Guevara o honracoa frase... en tu columna contento lucharía.

Film credits
Guion e direción Margarita Ledo Andión
Fotografía Ricardo Rezende
Son Emidio Buchinho
Direción de arte Bernardo Tejeda
Música Mercedes Peón
Montaxe Silvia Roca
Produción executiva Margarita Ledo Andión
Direción de produción Susana Pego Granja
Productor Cipriano Jiménez Casas

Margarita Ledo Andión

Poeta e escritora, da súa novela Porta Blindada (Edicións Xerais, Vigo,1990) sae a personaxe masculina central do filme ‘¡A cicatriz branca’; investigadora e autora de obras sobre cinema autoral como Cine de fotógrafos (Gustavo Gili, Barcelona, 2005), Premio Espais d’Art Comtemporani; cineasta experimental en ‘Illa’ (2009) ou en ‘Cienfuegos, 1913’ (2009); axitadora política e feminista, fai dialogar todo o que na historia ficou sen desenvolver nos seus documentarios ‘Santa Liberdade’ (Galiza/Brasil/Venezuela, 2004) e en ‘Liste, pronunciado Líster’ (Galiza,2005), para desenvolver proxectos académicos en torno ás pequenas cinematografías, as políticas da diversidade e os novos modos de consumo cultural. É catedrática de Comunicación Audiovisual da USC, numeraria da Real Academia Galega, preside e co-preside diferentes asociacións científicas locais e internacionais no eido das ciencias da comunicación, e coñeceu o exilio durante a ditadura franquista.

  • Margarita Ledo Andión
  • 2007
  • Documental
  • 112'
  • Español

DVD

O nome da produción na que estás interesado/a.
Indica o teu nome.